Derbyn chwech ym Merea Newydd, Bangor
Mewn gwasanaeth hyfryd ym mis Mai, fe gawsom fel eglwys
y pleser o dderbyn chwech on pobl ifanc yn gyflawn
aelodau. Fe gafwyd nifer o sesiynau paratoi cyn y derbyn
gan y Gweinidog y Parch Eric Jones a Rhun Murphy y
swyddog plant ac ieuenctid, a tystiodd y ddau i
ymroddiad ac ymateb y rhai ifanc yn y sesiynau. fe
gyflwynwyd Beibl yr un yn rhodd ir rhai ifanc, sef
Catrin Parry, Gwenno Llewelyn, Patrick Rimes, Casi Wyn
Gwenan Llewelyn a Miriam Owen. Ein gweddi yw y bydd ir
chwech yma dyfu yn eu perthynas gydar Arglwydd ac y
byddant yn aelodau gweithgar yn ei Eglwys Ef.
Gwasanaeth arbennig ym Methaniar Felinheli
Cafwyd gwasanaeth arbennig yng nghapel Bethaniar
Felinhelin ddiweddar. Roedd y capel yn orlawn a braint
oedd cael bod yn rhan o fedydd Efa Llywelyn merch fach
Mari a Gerald Roberts, yn ogystal hyn cawsom ymweliad
gan griw o Ysgol Pendalar a wnaeth chwarae ambell gn i
ni, ac fel petai hynny ddim yn ddigon cawsom y pleser o
dderbyn 5 on pobl ifanc yn aelodau cyflawn or eglwys.
Fe gyflwynwyd Beibl yr un yn rhodd ir 5, ac fe
fynegodd y gweinidog, y Parch Eric Jones, y fendith a
gafodd ef a Rhun Murphy y swyddog plant ac ieuenctid, o
fod yn rhan o ddosbarthiadau paratoi y pum person ifanc
sef Gwen John, Elliw Williams, Elin Gwyn, Gareth
Eaglestone ac Aled Emyr. Ein gweddi yw y byddant yn tyfu
yn eu ffydd ac y bydd y bwrlwm ar llawenydd a brofom yn
y gwasanaeth hwn yn rhan ou profiad yn gyson.
Sefydlur Parchedig Wyn Rhys Morris
Cynhaliwyd Cyfarfod Sefydlur Parchedig Wyn Rhys Morris, B.A.,
B.D., yn Weinidog ar Ofalaeth y Garn yng Nghapel y Garn,
nos Wener, Mair 25ain, gydar Parchedig Pryderi Llwyd
Jones, Llywydd Henaduriaeth Gogledd Aberteifi, yn
llywyddu. Daeth aelodau o Ofalaeth Dosbarth Llanfynydd
ynghyd ag aelodau Gofalaeth y Garn a ffrindiau o
ofalaethau ac eglwysi eraill at ei gilydd i dystio i
ddefod y Sefydlu ac i gyfrannu yn eu gwahanol ffyrdd at
y gwasanaeth.
Ar l ir Llywydd offrymur weddi agoriadol darllenwyd emyn gan
Mrs Edna Thomas, Rehoboth. Braf oedd clywed y canu
ysbrydol yn llenwir capel gyda chyfeiliant cadarn Llio
Penri wrth yr organ. Cafwyd dau ddarlleniad or
Ysgrythur gan Dr Maredudd ap Huw, Seion, y naill yn
tynnu ein sylw at hanes y Dyrchafael ar llall yn ein
hatgoffa or Pentecost cyntaf. Offrymwyd gweddi gan y
Parchedig W. J. Edwards, ac fe gafwyd eitem gan Gwen
Sims-Williams, Madog; Buddug Williams, Seion, a Rhun
Penri, y Garn, ar ran plant ac ieuenctid yr Ofalaeth.
Miss Nia Evans, Nasareth, ddarllenodd yr ail emyn. Tro
pobl Caerfyrddin oedd hi wedyn i gyflwynor Gweinidog i
ni. Gwnaed hyn gan Mr Lloyd Thomas ar ran Eglwysi
Gofalaeth Dosbarth Llanfynydd a Mr Mel Morgans ar ran
Henaduriaeth Gogledd Myrddin. Cyflawnwyd defod y
Sefydlu yn rasol dan ofal y Llywydd, ac offrymwyd gweddi
ar ran y Gweinidog gan y Parchedig Trefor Lewis.
Darllenwyd emyn gan Mrs Llinos Evans, Babell, ac yna croesawyd
y Gweinidog newydd in plith gan yr Arglwydd
Elystan-Morgan ar ran Eglwysir Ofalaeth, Mr Glyn T.
Jones ar ran yr Henaduriaeth ar Parchedig Richard Lewis
ar ran eglwysir ardal. Y Parchedig Eric Greene, Capel
Tegid y Bala, draddododd y siars ir eglwysi. A hithau
mor agos at y Sulgwyn roedd hin addas iawn mair
Penetcost a gymerodd yn sail iw anerchiad. Offrymwyd
gweddi ar ran eglwysir Ofalaeth gan y Parchedig R. W.
Jones, cyn-weinidog yr Ofalaeth. Darllenodd Ms Mared
Hughes, Madog, yr emyn olaf ac offrymwyd y fendith gan y
Parchedig John Livingstone.
Yn dilyn y gwasanaeth cafodd yr ymwelwyr swper danteithiol yn
Neuadd Rhydypennau, wedi ei drefnu ai weini gan
chwiorydd yr Ofalaeth.
