Ar y nos Fawrth, 5ed Mehefin 2007, daeth tyrfa o dros 350
ynghyd i Horeb, Brynsiencyn i barchur cof am Y Parch.
Gareth Maelor ac i roi diolch i Dduw am ei wasanaeth brwd a
dyfeisgar yn eglwys yr Arglwydd Iesu Grist. Gweinidog
gofalaeth Porthaethwy ar Cylch Y Parch. Geraint Roberts,
brawd yng nghyfraith Gareth Maelor oedd yn gyfrifol am y
rhaglen, gydag aelodaur ofalaeth gan mwyaf yn cymryd at yr
eitemau. Roedd dau unawdydd Marian Roberts a Richard
Griffiths; a dwy gyfeilyddes Ceinwen Price a Marian
Roberts.
Roedd y rhan fwyaf or rhaglen yn cynnwys ysgrifau,
myfyrdodau ac ymson / gweddi a luniwyd gan Gareth ei hun ar
y thema Be Ydyr Pasg? Dyma gyflwynwyr yr eitemau hyn:
Eleri Lewis Jones, Hywel Wyn Owen, Gruffydd Owen, Trystan
Roberts, Merfyn Jones, Alan W. Roberts a Bethan Owen. Yn
ychwanegol caed darlleniad o Salm y Pasg (Rhys Nicholas)
gan Ella Owens a Gwyn Thomas yn adrodd y gerdd Gareth
Maelor oi waith ei hun.
Geraint Wyn Jones oedd wedi crynhoi rhai oi atgofion am
flynyddoedd cynnar Gareth ym Mlaenau Ffestiniog. Gyda
thristwch y cyhoeddwyd y newydd am waeledd Geraint ac
anfonwyd cyfarchion a chofion iddo. J. O. Roberts
ddarllenodd yr hyn yr oedd Geraint wedi ei baratoi. J.O.
hefyd oedd wrth y llyw yn cydlynnur holl eitemau hefo
adrannau pwrpasol or Beibl ac fel bob amser gwnaeth hynny
yn ei ddull cwbwl arbennig ei hun, yn broffesiynol afaelgar.
Geraint Lloyd Owen oedd ar gorchwyl o ymdrin r ochr
ysgafn, llawn hiwmor oedd yn perthyn i bersonoliaeth a
chymeriad Gareth. Gwaith anodd iawn oedd hyn oherwydd
cyfeillgarwch dwfn Geraint a Gareth. Bu raid iddo ffrwyno ei
deimladau yn dynn or herwydd. Cyfyngodd ei hun i bedwar
digwyddiad i ddangos mor agos yr oedd y doniol ar difrif at
ei gilydd ym mywyd Gareth. Cafodd y gynulleidfa bleser mawr
a difyrrwch yn gwrando ar hyn a daeth Gareth yn agos iawn
atom trwy atgofion Geraint.
Tystiolaeth y gynulleidfa oedd ir achlysur fod yn fendith
fawr. Gwerthfawrogwyd y graen a welwyd ym mhob cyflwyniad.
Llawenydd oedd croesawu atom Brenda, priod Gareth, ynghyd ag
Esyllt, Gwawr a Swyn y tair merch. Braf oedd cael croesawu
llu o aelodau eraill y teulu hefyd.
Diolchodd y Gweinidog yn ei ddull mwyaf gwresog am
bresenoldeb pawb, yn arbennig y rhai a drefnodd fwsiau o
Dalysarn, Penygroes ar Groeslon.
Wedir cyfarfod mwynhawyd paned a bisged yn ysgoldy Horeb
a diolchwyd ir merched am baratoi mor serchog. Haedda
swyddogion Horeb ein cydnabyddiaeth am hyrwyddo pob
hwylustod gydar trefniadau.
Talwyd diolch hefyd i Alwyn Owens am gymorth parod i
ddarparu taflenni y rhaglen.
Y mae un yn aros ar ei ben ei hun syn haeddur diolch
cywiraf o bawb, y Parch. Geraint Roberts. Oni bai amdano ef
ni fyddai hadyn y noson wedi ei blannu. Wnaeth neb wrthod
cymryd rhan iddo; amhosibl gwrthod i wr sydd mor selog ei
ymroddiad ym Mn. Diolch, Geraint.
Casglwyd 400 ar y noson, yr arian yn cael ei gyflwyno i
Apl y Cyfundeb i Sierra Leone.
A.W.R.
 |
|
Y rhai a gymerodd ran yn rhaglen y noson |
Yn l i
dudalen Y Goleuad
