Capel Maengwyn yn Henaduriaeth Trefaldwyn Uchaf fydd
cartref Sasiwn yr Hydref yn y Gogledd eleni. Edrychwn
ymlaen am eich croesawu i Fro Ddyfi a mwynder Maldwyn ar
ei orau ar ddydd Gwener, Hydref 19eg.
Maer Achos ym Maengwyn wedi cychwyn er 1753. Bu iddo
ddechreuad digon terfysglyd, a dweud y lleiaf. Gallwn
eich sicrhau y bydd eich croeso yma yn llawer cynhesach
nar un a gafodd y Methodistiaid cynnar yn y dref yma.
Cafodd Howell Harris dderbyniad chwerw iawn yma, ynghyd
rhai pregethwyr eraill a fentrodd yma yn y cyfnod
hwnnw. Daeth Ioan Thomas o Raeadr Gwy yma, a chafodd
erledigaeth dost, a mynegodd yn ddiweddarach Fod
coelcerth uffern yn disgwyl pobl Machynlleth. Nid oes
cofnod i Harris ddod i bregethu yn nes na Llanbrynmair
ar l hynny, a phan fyddai pregethwyr ar eu teithiau or
De ir Gogledd, nid aent yn agos i Cemmaes na
Machynlleth, ond cyfeirio am Ddinas Mawddwy, nad oedd
fawr gwell, a thros Fwlch yr Oerddrws i Ddolgellau.
Bellach, mae pethau wedi newid, ar l byw am dros ddwy
ganrif yn swn yr Efengyl. Mae cynnal Sasiwn yn hen
draddodiad ym Machynlleth. Cynhaliwyd y Sasiwn gyntaf
yma ym 1790. Cynhelid Sasiynau Bro Ddyfi bob Mis Awst yn
y cyfnod 1810-1841, ac fel rheol ym Machynlleth yma.
Cewch gyfle hefyd i ymweld thref sydd yn gyfoethog
mewn hanes. O ddyddiaur Rhufeiniaid, y gwelir eu holion
hyd heddiw mewn llwybrau a phontydd o gwmpas yr ardal.
Ymlaen i gyfnod Owain Glyndwr oedd ai senedd yn Heol
Maengwyn yma. Maer adeilad yno o hyd ac mewn cyflwr
ardderchog. Yn yr adeilad yma y coronwyd Glyndwr yn
Dywysog Cymru ym mhresenoldeb cynyrchiolwyr o Ffrainc,
Spaen ar Alban, ac o dan fendith y Pab Avignon.
Mae Machynlleth yn ganolfan ardal eang yn y Fro. Yn y
datblygiad cymdeithasol, lle gwelwyd cau llawer o
gapeli, ysgolion a siopau gwledig, cyrchir tuar dref,
fel yr amlygir yn ffeiriau Dydd Mercher. Mae
cynyrchiolaeth dda or wlad o gwmpas yn dod i addoli ar
y Sul i Faengwyn neu ir Graig yr Anibynwyr. Maer ddwy
eglwys yn cyd-addoli bellach.
Hyderwn y bydd y tywydd yn ffafriol i chwi. Cewch
gyfle i fwynhau y dyffryn ar ei orau. I ni, lawer
ohonom, sydd wedi ein magu yn y Fro, hoffem i chwithau
hefyd deimlo yr awyrgylch hyfryd sydd yn rhan ohoni.
Profiad Iorwerth Cyfeiliog Peate yw profiad llawer
ohonom,
Ac er mynych, fynych grwydro
Gelwi finnau, Ddyfin, l.
Neu fel y canodd rhyw fardd gwlad
Caraf eu mwyn aceri a melys
Yw rhoi moliant iddi,
Tra murmur difyr Dyfi
Yn naws yn fy nghalon i.
Ar ran Henaduriaeth Trefaldwyn Uchaf a Maengwyn estynnwn
groeso brwd i chwi ymweld ni, ac uwchlaw pob dim
deisyfwn fendith yr Hollalluog ar ein holl
weithrediadau.
M.J.M.
Yn l i
dudalen Y Goleuad
