|
|
|
Cystadleuaeth FAWR Golau ar
y Gair
 Dyma gyfle
gwych i’r ysgolion Sul hynny sy’n defnyddio Golau ar y Gair i gymryd
rhan mewn cystadleuaeth arbennig a fydd yn caei ei chynnal yn ystod
y misoedd nesaf, ac yn cael ei harddangos a’i gwobrwyo ym mhabell yr
eglwysi yn yr Eisteddfod Genedlaethol yng Nghaerdydd.
Y mae 5
adran gwahanol iddi, gyda cyfle i bob oed gymryd rhan.
Cywaith gr ŵp
dan 5 oed - dim mwy na maint A3 (30cm x42cm)
Unrhyw
gymeriad Hen Destament o’r gwerslyfrau, megis Gideon, Daniel, Ruth,
Moses neu Samuel. Bydd y gwaith yn cael ei arddangos ym mhabell yr
eglwysi yn yr Eisteddfod Genedlaethol yng Nghaerdydd.
Cywaith grŵp
5-11 oed - dim mwy na maint A2 (60cm x42cm)
Unrhyw
olygfa am fywyd Iesu allan o’r gwerslyfrau, megis Porthi’r Pum Mil,
Nadolig, Pasg neu Pentecost. Bydd y gwaith yn cael ei arddangos ym
mhabell yr eglwysi yn yr Eisteddfod Genedlaethol yng Nghaerdydd.
Gwaith ysgrifenedig yn
seiliedig ar stori neu gymeriad o’r gwerslyfrau - pob oed
Bydd gwahanol wobrau ar gyfer oedrannau gwahanol.
Croesewir cerddi, ysgrifau, dyddiadur dychmygol,
portread, ayyb. Bydd y gwaith buddugol yn cael ei gyhoeddi yn y
bedair tudalen.
Dylunio cerdyn Nadolig,
maint A5 - pob oed
Cerdyn yn
darlunio agwedd o stori’r Nadolig. Gellir cyflwyno gwaith celf â
llaw neu ar gyfrifiadur. Bydd y
cardiau buddugol, ym mhob categori oed, yn cael eu hargraffu fel
cardiau Nadolig Cyngor
Ysgolion Sul am 2009.
Cynhyrchu fideo - dros 11
oed
Cynhyrchu
fideo, dim mwy na 5 munud o hyd, yn darlunio unrhyw gymeriad neu
olygfa allan o’r
gwerslyfrau; neu sgets gyfoes yn seiliedig ar un o’r storïau yn y
gwerslyfrau.
Dyddiad cau
ar gyfer y fideo, cerdyn Nadolig a’r rhyddiaeth yw Gorffennaf 9fed -
i’w hanfon i’r
cyfeiriad isod.
Gwahoddir ysgolion Sul i
ddod â’r cyweithiau yn uniongyrchol i’r Eisteddfod yn ystod y dydd Sadwrn/Sul cyntaf, neu i
wneud trefniadau eraill gydag Aled os oes anhawster gyda hynny.
Cyflwynir gwobrau i’r
Ysgolion Sul buddugol, sef ‘set o Feiblau newydd’ a gyhoeddir gan
Cyhoeddiadau’r Gair yn ystod 2008.
EWCH ATI I GYSTADLU!
Manylion pellach gan:
Aled
Davies, Cyngor Ysgolion Sul, Ael y Bryn, Chwilog, Pwllheli, Gwynedd
LL53 6SH / 01766
819120 /
aled@ysgolsul.com.
|
|
|
