Mae'r CHCG yn cydweithio â Parkfields, canolfan gymunedol wedi ei seilio mewn eglwys, gan gynnal cyfarfodydd ar faterion cymdeithasol pwysig, ac yn cynnal cyfres flynyddol o sgyrsiau dros ginio. Y thema eleni oedd 'Perthyn ym Mhrydain.'

Yr ail siaradwr oedd AS Delyn, David Hanson, a siaradodd am ddinasyddiaeth a'r angen i ddal a defnyddio yr hawliau a enillwyd dros y blynyddoedd - hawliau pleidleisio a enillwyd yn y gorffennol yn ogystal â rhai a enillwyd yn gymharol ddiweddar pan sefydlwyd y Senedd Ewropeaidd a Chynulliad Cymru. Cwestiwn sy'n cael ei godi nawr yw os y dylid dod â'r hawliau amrywiol at ei gilydd mewn Mesur Iawnderau.

Yn y trydydd cinio, daeth hen ffrind i CHCG yr Wyddrgug, Apolo Santana, i sôn am ei brofiad fel alltud o'i famwlad, Chile. Bu'n gweithio fel gwas sifil nes iddo gael ei garcharu pan fu coup militaraidd: yn y pen draw cafodd ei ryddhau diolch i'r undebau llafur ym Mhrydain a daeth yma fel alltud. Mae pobl sydd newydd gyrraedd yma yn dod wyneb yn wyneb â chamddealltwriaeth a rhagfarn, ac mae angen gofal syml ar bawb. Ar yr un pryd, roedd yn teimlo bod angen i ffoaduriaid a mewnfudwyr i gofio mai braint yw cael aros yma.

Cyflwynwyd y pwnc olaf gan y Parch Peter Nunn (Wrecsam), a fu'n disgrifio y gwaith a wneir i greu cysylltiadau rhwng pobl o wahanol ffydd yng ngogledd Cymru. Does neb yn disgwyl i bobl roi'r gorau i'w credoau a'u harferion traddodiadol eu hunain, ond yn hytrach, rhaid parchu'r bobl sy'n wahanol i ni.