Ymateb i ddyfarniad tribiwnlys
Mae
Ysgrifennydd Cyffredinol Eglwys Bresbyteraidd Cymru wedi ymateb i
ddyfarniad tribiwnlys cyflogaeth a gynhaliwyd yng Nghaerdydd.
Daeth y
tribiwnlys i’r casgliad bod Stephen Price, a fu’n gweithio i’r
Eglwys yng Ngholeg Trefeca, wedi dioddef anffafriaeth ar sail
rhywioldeb a’i boenydio gan reolwraig. Enillodd achos o ddiswyddiad
adeiladol hefyd, a dyfarnwyd iawndal o £36,924 iddo.
“Rydym
yn derbyn y penderfyniad ac yn ymddiheuro’n ddiffuant i Stephen am y
loes a’r anghyfleustra a achoswyd”, meddai’r Parchedig Ifan Roberts,
Ysgrifennydd Cyffredinol.
“Bu i ni
drin yr achos yma gyda difrifoldeb a chawsom gyngor proffesiynol bob
cam o’r ffordd. Byddwn yn ceisio cyngor pellach fel y bydd angen.”
“Petai
cwyn yn erbyn aelod o’r gweithlu yn codi yn y dyfodol, ni fyddwn yn
ceisio cynnal ymchwiliad mewnol ond yn hytrach, byddwn yn pasio’r
mater i arbenigwyr all gynnal ymchwilad o’r fath ar ein rhan.”
“Rydym
eisoes wedi trefnu hyfforddiant ychwanegol ar gyfer ein gweithwyr.”
