CYB@7: Coleg y Bala am 7

Gwasanaeth anffurfiol a bywiog yn Ngholeg y Bala am saith o’r gloch pob nos Sul ydi CYB@7. Yr hyn sydd yn gwneud CYB@7 yn wahanol i wasanaethau traddodiadol ydi’r rhyddid a’r awyrgylch ymlaciol sydd i’w gael.

Rydym yn dechrau gyda chacen a phaned wrth i bawb gyrraedd a sgwrsio.  Yna, cawn amser o addoliad ar gân ac ar weddi gyda’r rhyddid i bawb gyfrannu fel y mynent.  Rydym yn rhoi’r cyfle i’r ieunectid sydd yn mynychu’r gwasanaeth i arwain yr addoliad, er mwyn magu eu hyder a’u dawn yn arwain.

Owain sydd wedyn yn arwain yr astudiaeth, ond mae’r rhyddid yna i bawb gyfrannu ac annog ein gilydd.  Ar hyn o bryd rydym yn gweithio ein ffordd drwy llyfr y Phillipiaid, gyda’r her o beth yn union ydi byw dros Grist drwy’r adeg.

Yna ar y diwedd, rydym yn gwahanu’r grŵp yn oedolion a’r ieunectid, i ni gael cyfle i rannu ein profiadau personol a beth sydd wedi ein bendithio ni am y Gair, a chawn gyfle i weddio dros ein gilydd ar y diwedd.

Mae CYB@7 yn profi’n hynod feindithiol i bobl a ieunectid yr ardal, a phawb yn cael eu herio i adlewyrchu Crist yn eu bywydau o ddydd i ddydd. Mae’r annogaeth sydd i’w gael o fod yn rhan o gymuned Gristnogol glos, fel sydd yn CYB@7 yn wefreiddiol, ac yn rhywbeth ddylai pawb ystyried fod yn gysylltiedig efo.

Eleri Jones