Wedi codi £250,000 ar gyfer Sierra Leone fel rhan o apêl Cymorth Cristnogol yn 2007, mae aelodau Eglwys Bresbyteraidd Cymru nawr yn cael cyfle i sut mae’r arian wedi gwneud gwahaniaeth i fywydau pobl y wlad dlotaf yn y byd.

Ym mis Tachwedd 2008, aeth Jeff Williams, Ysgrifennydd Cenedlaethol Cymorth Cristnogol yng Nghymru, a Branwen Niclas, Pennaeth Cyfathrebu, yn ôl i Sierra Leone i sut mae eu partneriaid yn y wlad wedi defnyddio’r arian.  Maent bellach wedi cynhyrchu DVD ac mae pob un o eglwysi Eglwys Bresbyteraidd Cymru wedi derbyn copi.

Foray Brima

Cafodd y DVD yn cael ei lansio yn Eglwys y Crwys, Caerdydd nos Iau Ebrill 30.

Cafodd y Barchedig Catrin Roberts, un o drefnyddion yr apêl, ei synnu a’i chyffwrdd wrth wylio’r ffilm am y tro cyntaf. “Mae o’n wych,” meddai. “Roedd gen i ddagrau yn fy llygaid wrth weld wynebau cyfarwydd a’r ffordd mae eu bywydau nhw wedi gwella, a dwi’n teimlo mor falch mai ni sydd yn gyfrifol am hyn.”

Ymysg y bobl sy’n ymddangos ar y DVD mae Foray Brima. Foray oedd yr ieuengaf o’r wyth gŵr a ddychwelodd i bentref Ngokulu wedi’r rhyfel cartref. Pan gyrhaeddodd y rebels Ngokulu bu’n rhaid i bob teulu ffoi. Llosgwyd pob adeilad i’r llawr, a ddaeth neb yn ôl am 6 blynedd. Y bore wedi iddyn nhw ddychwelyd, dechreuodd y dynion ail-adeiladu’r pentref. Gyda help MCSL, un o bartneriaid Cymorth Cristnogol yn Sierra Leone, cliriwyd y tir, plannwyd caeau reis, agorwyd pwll pysgod a grymuswyd y gymued.

Bellach mae’n bentref prysur o deuluoedd gweithgar yn cyd-fyw’n hapus. Mae Foray’n ffarmwr casafa llwyddianus, ei wraig yn dysgu gwneud sebon gyda gwragedd eraill y pentref, ac newydd roi genedigaeth i’w ail-blentyn. Foray ydi Cadeirydd y Clwb Heddwch a Hawliau Dynol yno, ac mae bron a gorffen adeiladu ty ar gyfer ei deulu ifanc. Gan ei fod wedi colli 10 mlynedd o addysg oherwydd y rhyfela, mae newydd gychwyn gwersi llythrenedd o dan ofal MCSL.