Ar 27 Medi 2009 bydd hanner miliwn o bobl yn gwahodd rhywun arbennig i ddod nôl i’r capel gyda nhw. Mae pobl yn colli cysylltiad â’r eglwys am bob math o wahanol resymau ond byddai llawer yn dychwelyd petaent yn cael gwahoddiad.

Ar Sul Croeso Nôl 2008, fe wnaeth 3,000 o eglwysi ar hyd a lled Prydain wahodd a chroesawu 37,000 o ffrindiau yn ôl atynt.

Eleni am y tro cyntaf, mae Eglwys Bresbyteraidd Cymru yn cymryd rhan yn Sul Croeso Nôl. Rydym yn gobeithio y bydd llawer o'n haelodau yn cymryd mantais o'r cyfle syml ond gwych hwn i wahodd eu ffrindiau i ddod nôl i'r capel efo nhw!

Bydd pob eglwys EBC sy'n cymryd rhan yn Sul Croeso Nôl 2009 yn derbyn pecyn adnoddau Cymraeg gwerth £27 yn cynnwys gwahoddiadau, cardiau post, DVD a phosteri i'w helpu i hyrwyddo'r digwyddiad.  Byddwn hefyd yn anfon taflen wybodaeth i chi a gallwn drefnu i swyddog ddod i'ch cyfarfod er mwyn eich helpu i drefnu'r diwrnod.

Nid yw'n rhy hwyr i'ch eglwysi chi i gymryd rhan! Cysylltwch â'r Swyddfa Ganolog am wybodaeth bellach: ffoniwch 02920 627465 neu e-bostiwch swyddfa.office@ebcpcw.org.uk.

	Taflen wybodaeth (PDF, 33KB)
	Erthygl Baptist Times (PDF, 764KB)

Bydd yr holl adnoddau Saesneg yn cael eu cyfieithu i'r Gymraeg a'u hargraffu'n broffesiynol ar gyfer y pecynnau adnoddau.