Yn lansiad y
Strategaeth yn Wrecsam ar 3 Rhagfyr, dywedodd y
Gweinidog Cyfiawnder Cymdeithasol a Llywodraeth
Leol, Dr Brian Gibbons: "Mae
cydlyniant cymunedol yn ymwneud â chyd-dynnu ac
mae'r Strategaeth yn anelu at gyflawni ei
haddewid. Mae'n ymwneud â gwahanol adrannau o'r
gymuned yn dysgu i barchu ei gilydd, i ddeall
safbwyntiau ei gilydd ac i gyd-dynnu hyd yn oed
pan fydd gwahaniaethau rhyngddynt."
Dywedodd y
Parchedig Dafydd Andrew Jones,
Cyfarwyddwr Bywyd a Thystiolaeth Eglwys
Bresbyteraidd Cymru, ei bod yn "Fraint ac yn llawenydd mawr i Eglwys
Bresbyteraidd Cymru fod yn rhan o weithgarwch
sydd a'i fwriad i groesi ffiniau iaith, crefydd,
diwylliant, er mwyn creu cymuned gytûn."
Wrth siarad ynglŷn â lansiad y
Strategaeth, dywedodd Marilyn Priday,
Gweithwraig Ddatblygu Rhyng-Ffydd Tŷ'r Gymuned:
"Aeth Sue Lewis a fi i Wrecsam ar gyfer y
cyfarfod, oedd yn cael ei gynnal yng Nghanolfan
Catrin Finch yn y Brifysgol. Mae wastad yn dda
cyfarfod pobl newydd a gwneud rhywfaint o
rwydweithio. Yna dydd Llun yma roedd Cyngor
Rhyng-Ffydd Cymru yn cyfarfod yn Nhŷ'r Gymuned.
Fi yw cynrychiolydd Rhyng-Ffydd Casnewydd ar y
Cyngor. Hwn oedd fy nghyfarfod cyntaf. Roedd o'n
gyfle i ni ddangos beth sy'n digwydd yn Nhŷ'r
Gymuned."
